काठमाडौँ। नेपाल आयल निगमले पेट्रोलियम पदार्थको मूल्य बढाएसँगै आन्तरिक हवाई उडानको भाडा दरमा पनि वृद्धि भएको छ ।
नेपाल वायुसेवा सञ्चालक सङ्घले शुक्रवारबाट लागूहुनेगरी भाडा बढाएको हो ।
सङ्घले एक सय पाँच रुपैयाँदेखि चार सय ४५ सम्म वृद्धि गरेको सङ्घले जनाएको छ ।
हवाई इन्धनमा प्रतिलिटर दुई रुपैयाँ बढीले मूल्य घटबढ भएको अनुपातमा भाडा समायोजन गर्ने अधिकार सङ्घले प्रयोग गरेको हो ।
बढेको दरअनुसार सबैभन्दा बढी काठमाडौँ–धनगढीको चार सय ४५ रुपैयाँ रहेको छ । यस्तै काठमाडौँ–विराटनगर दुई सय ४०, , काठमाडौँ–नेपालगन्ज तीन सय २५, काठमाडौँ–पोखरा एक सय ६०, काठमाडौँ–भद्रपुर, काठमाडौँ–भरतपुर एक सय पाँच रुपैयाँ बढेको सङ्घले जनाएको छ ।
यस्तै माउन्टेन फ्लाइटको भाडा दर तीन सय ४५ रुपैयाँले बढेको छ ।
पछिल्लो पटक नेपाल आयल निगमले हवाई इन्धनमा प्रतिलिटर १० रुपैयाँ वृद्धि गरेको छ ।
