काठमाडौँ । भन्सार विभागको महानिर्देशकमा कमल भट्टराई नियुक्त भएका छन् ।
अर्थ मन्त्रालयले राजस्व प्रशासनका दुई महत्त्वपूर्ण विभाग आन्तरिक राजस्व विभाग र भन्सार विभागमा नयाँ महानिर्देशक खटाउने क्रममा मन्त्रालयका सहसचिव सार्वजनिक वित्त व्यवस्थापन तालिम केन्द्रका तालिम प्रमुख भट्टराईलाई भन्सार विभाग महानिर्देशकमा जिम्मेवारी दिइएको हो ।
यसैगरि आन्तरिक राजश्व विभाग(आइआरडी)को महानिर्देशकमा रितेश कुमार शाक्य नियुक्त भएका छन् ।
