काठमाडौँ । नेपाल धितोपत्र बोर्डको अध्यक्षका लागि तीन जनाको नाम सिफारिस भएको छ ।
आज (सोमबार) बसेको सिफारिस समितिको बैठकले कृष्णराज पोखरेल, गोपाल भट्ट र रमेश हमालको नाम सिफारिस गरेको हो ।
सिफारिस भएका तीन जनामध्ये एक जनालाई मन्त्रिपरिषदको बैठकले अध्यक्षमा नियुक्त गर्नेछ ।
अध्यक्षका लागि १५ जनाको आवेदन परेकोमा छनोट तथा सिफारिस समितिले हिजो (आइतबार) पाँच जनालाई अन्तरवार्ताका लागि बोलाएको थियो ।
