काठमाडौँ । आज प्रि-बजेटका बारेमा सांसदहरूले राखेका धारणाका बारेमा अर्थमन्त्री डा. प्रकाश शरण महतले जवाफ दिने कार्यसूची रहेको छ ।
गत आइतबार बसेको प्रतिनिधिसभा कार्य व्यवस्था समितिको बैठकले गरेको निर्णय अनुसार ३ दिनसम्म सांसदहरूले राखेका प्रि-बजेटका बारेमा आज अर्थमन्त्री महतले जवाफ दिन लागेका हुन् ।
गत वैशाख २५ देखी प्रि-बजेटका बारेमा छलफल भए अनुसार सांसदहरूले आ-आफ्नो धारणा राखिसकेका छन् । अर्थमन्त्री महतले राष्ट्रिय सभामा सांसदहरुले उठाएका सवालको जवाफहरू भने मंगलबार दिइसकेका छन् ।
महतले जवाफ दिने क्रममा सामाजिक सुरक्षा भत्ता कटौती नगर्ने बताएका छन् ।
संवैधानिक व्यवस्था अनुसार जेठ १५ गते आउन लागेको बजेटको पूर्व सन्ध्यामा राजनीतिक दलहरूले प्रि-बजेटका बारेमा छलफल सुरु गरेका थिए ।
