काठमाडौं । श्रमिक तथा पेशाकर्मीमाझ नेकपा एमाले प्रतिको आकर्षण उल्लेखनीयरुपमा बढेको पार्ईएको छ ।
२०७८ भाद्रमा पार्टीका पुर्व महासचिव माधव कुमार नेपाल लगायतका नेताले पार्टी विभाजन गरेयता श्रमिक तथा पेशाकर्मीमाझ शिथिलता देखिएको एमालेमा पुनः ताजगी बढ्दै गएको पाईएको हो ।
पछिल्ला दिनमा श्रमिक, पेशाकर्मी, उद्योगी व्यवसायी तथा युवा विद्यार्थीहरु एमाले सदस्यता प्राप्त गर्न लालायित देखिएका छन् ।
आईतवार उपत्यका विशेष प्रदेश कमिटीको विस्तारित बैठकमा कमिटीका अध्यक्ष प्रेम कुमार पराजुलीले गत आ. व. मा मात्र ३४ प्रतिशतले नयाँ सदस्यता वृद्धि भएको जानकारी गराएका हुन् ।
यस सँगै विशेष प्रदेशमा आवद्ध पार्टी सदस्यको संख्या १५ हजार नजिक पुगेको छ ।
