काठमाडौं । सरकारले जनता समाजवादी पार्टीका नेता महन्थ ठाकुर पक्षधर नेताहरुको माग बमोजिम मधेस आन्दोलनका क्रममा लगाइएका मुद्धा फिर्ता लिने निर्णय गरेको छ ।
आज मन्त्रिपरिषद बैठकका निर्णय सार्वजनिक गर्दै सुचना तथा सञ्चार मन्त्री एवं सरकारका प्रवक्ता पार्वत गुरुंगले तराईमधेशमा आन्दोलनताका सरकारले लगाएका १५ वटा मुद्धा फिर्ता लिने निर्णय भएको बताए । जसबाट १२० जना व्यक्ति थुना मुक्त हुने छन् ।
महान्यायाधिवक्ता कार्यालयले निर्देशिका, कानुन र संविधानका आधारमा राय दिएका आधारमा मुद्धा फिर्ता लिइएको प्रवक्ता गुरुंगको भनाई थियो ।
