काठमाडौं । पूर्वप्रधानमन्त्री एवं नेकपा एमाले वरिष्ठ नेता झलनाथ खनालको स्वास्थ्यमा थप खराबी देखिएको छ ।
उनको स्वास्थ्य अवस्थालाई मध्यनजर गर्दै थप उपचारका लागि आज नयाँदिल्ली लगिंदै छ ।
उनलाई आज बुधबार दिउँसो साढे बाह्र बजे दिल्ली लैजान लागिएको खनालको सचिवालयले जनाएको छ । दिल्लीमा खनालको उपचार एपोलो अस्पतालमा हुने पनि जनाइएको छ ।
उनी कोभिड संक्रमण भएर लामो समय अस्पतालमा बसी उपचार गरेर केहि दिन अगाडि मात्र डिस्चार्च भएका थिए ।
यद्यपि १० दिन अघि देखि उनमा पुन: ज्वरो आइरहने समस्या देखिए पछि गएको सोमवार उपचारका लागि नर्भिक अस्पताल भर्ना भएका थिए ।
