पौष १०, काठमाडौँ ।
प्रभु लाइफ इन्स्योरेन्सले सर्वसाधारणका लागि निष्कासन गरेको प्राथमिक सेयर शुक्रबार बाँडफाँट भएको छ।
बाँडफाटमा ५ लाख ४० हजार जना आवेदकले १० कित्ताका दरले पाएका छन्।
कम्पनीको सेयर बिक्री प्रबन्धक सिद्धार्थ क्यापिटलले शुक्रबार गरेको बाँडफाँटमा ५ लाख ११ हजार २ सय १६ जना आवेदकको हात भने हात खाली भएको छ ।
कम्पनीको आइपिओमा १० लाख ५१ हजार २ सय १६ जनाले आवेदन दिएकामा २ हजार १ सय ६९ आवेदन रद्द भएका थिए।
कम्पनीले कुल ६० लाख कित्ता आइपीओ निष्कासन गरेको थियो। सो मध्ये सामूहिक लगानी कोष र कम्पनीका कर्मचारीलाई ३/३ लाख कित्ता छुट्याइएको थियो।
