पौष १०, काठमाडौँ ।
पछिल्लो २४ घण्टामा ६०८ जनामा कोरोना भाइरस संक्रमण पुष्टि भएको छ ।
शुक्रबार जम्मा ४ हजार १४२ जनामा पीसीआर परीक्षण गरिएकोमा ३७१ जना पुरुष र २३७ जनामा संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार हालसम्म संक्रमितको संख्या २ लाख ५७ हजार २०० पुगेको छ ।
पछिल्लो २४ घण्टामा कोरोना भाइरस संक्रमणमुक्त हुनेको संख्या ८९२ रहेको छ । हालसम्म संक्रमणमुक्त हुनेको संख्या २ लाख ४८ हजार २९२ पुगेको छ भने सक्रिय संक्रमितको संख्या ७ हजार ९२ रहेको छ ।
पछिल्लो २४ घण्टामा कोरोना भाइरस संक्रमणका कारण ८ जनाको मृत्यु भएको छ भने हालसम्म मृतक संख्या १ हजार ८१६ रहेको छ ।
पछिल्लो २४ घण्टामा काठमाडौंमा २१२, ललितपुरमा ४७ र भक्तपुरमा २० जना संक्रमित भेटिएका छन् ।
