रेलिगेसनबाट जोगिन संघर्षरत काडिजले बराबरीमा रोकेपछि स्पेनिस ला लिगामा शीर्ष स्थानको रियल मड्रिडले लगातार नवौं जित निकाल्न चुकेको छ ।
सान्टियागो बर्नबाउमा हासिल गरेको यो नतिजाका बाबजुद रियल शीर्ष स्थानमा ६ अंकको स्पष्ट दूरीमा छ । तर दोस्रो स्थानको सेभियाले एक खेल कम खेलेको छ ।
घरेलु टोलीले खेलमा अधिकांश समय नियन्त्रणमा राखे पनि गोल गर्न सकेन । रियलले गोलका लागि ३६ प्रहार गरेकोमा काडिजले ४ वटामात्र प्रहार गरेको थियो ।- एजेन्सी ।
