काठमाडौं । साझा यातायातले कर्मचारीका लागि दरखास्त आह्वान गरेको छ । चौथोदेखि सातौँ तहसम्मका लागि दरखास्त आह्वान गरिएको हो ।
इन्जिनियरिङ, लेखा, प्रशासन, प्राविधिकदेखि सूचना शाखासम्मका लागि जम्मा १८ कर्मचारीका लागि साझाले दरखास्त आह्वान गरेको हो ।
सूचना प्रकाशित भएको २१ दिनभित्र अर्थात असार २३ गतेसम्म आवेदन दिने समयसीमा तोकिएको छ । दोब्बर दस्तुर तिरेर थप एक सातासम्म आवेदन दिन सकिनेछ ।
चौथो र पाँचौँ तहका लागि रु १००० तथा छैठौँ र सातौँ तहका लागि रु १५०० परीक्षा दरखास्त दस्तुर रहेको छ ।
