दमक । राष्ट्रिय जनमुक्ति पार्टीसहित छ वटा घटकले आज कोशी प्रदेश अन्तर्गत लिम्बुवान क्षेत्र बन्दको घोषणा गरेका कारण प्रदेशभर यातायात क्षेत्र प्रभावित भएको छ ।
बन्दका कारण सडकमा सार्वजनिक यातायातका साधन गुडेका छैनन् भने शिक्षण संस्थाहरूसमेत बन्द भएका छन् ।
ऐतिहासिक सन्धी सम्झौतालाई कार्यन्वयनसहित कोशी प्रदेश पुनःनामाङ्कन गर्न दवाब स्वरुप आज एकदिने बन्दको घोषणा गरेको लिम्बुवानबादी संगठनहरूले जनाएका छन् ।
२०७९ फागुन १७ गते तत्कालिन प्रदेश सरकारले प्रदेश १ लाई कोशी प्रदेश नामाकरण गरे पश्चात संगठनहरुले विरोध गर्दै आएका छन् ।
