काठमाडौं । नेकपा एमाले उपाध्यक्ष एवं संविधानसभाका अध्यक्ष सुवासचन्द्र नेम्वाङको हृदयघातबाट निधन भएको छ ।
बालुवाटारस्थित निवासमै हृदयघात भएपछि उनलाई महाराजगञ्जस्थित त्रिवि शिक्षण अस्पतालमा लगिएको थियो । साढे १ बजे हृदयघातपछि अस्पताल पुर्याइएका नेम्वाङको बाटोमा अस्पताल लैजाँदै गर्दा बाटोमै मृत्यु भइसकेको चिकित्सकले बताए ।
२००९ साल फागुन २८ मा इलामको सुन्तलाबारीमा जन्मिएका नेम्वाङ २०४८ र २०५२ सालमा गरी २ पटक राष्ट्रिय सभाको सदस्य भए । २०५६ सालदेखि निरन्तर संसदीय चुनाव जितिरहेका नेम्वाङ २०६४ सालको संविधानसभा निर्वाचन र २०७० को दोस्रो संविधानसभाको निर्वाचनमा इलाम- २ बाट विजयी बनेर संविधानसभा अध्यक्षको जिम्मेवारीमा रहे ।
गत पुस १० मा राष्ट्रपतिमा उम्मेदवारी दिएका नेम्वाङलाई नेपाली कांग्रेसका नेता रामचन्द्र पौडेलले पराजित गरेका थिए ।
नेम्वाङका श्रीमती, दुई छोरा र दुई छोरी छन् ।
