काठमाडौं । सञ्चालन अनुमति लिएर सम्बन्धित वडामा सञ्चालन नभएका न्यु समिट सहित १०७ वटा विद्यालयलाई काठमाडौं महानगरले खारेज गर्ने चेतावनी दिएको छ ।
महानगरले पुस ७ गते सोमवार एक सूचना जारी गर्दै बाबा बोर्डिंग स्कुल, ओलम्पिया, कोलम्बस लगाएत १०७ वटै विद्यालयको नाम सार्वजनिक गर्दै १५ दिने म्याद दिएको हो ।
सम्बन्धित विद्यालयहरू सम्बन्धित वडामा सञ्चालनमा रहेका भए, घरभाडा सम्झौता, वहालकर तिरेको निसा, अध्ययनरत विद्यार्थीको विवरण वा अन्यत्र सञ्चालनमा रहेको भए, सोको निस्सा लिएर १५ दिनभित्र सम्पर्कमा आउन समेत महानगरले भनेको छ ।
तत्पश्चात आवश्यक कारवाहीका लागि महानगर कार्यपालिका बैठकमा पेश गरिने पनि सुचनामा जनाइएको छ ।
