काठमाडौं । निजामती सेवा अस्पताल काठमाडौंले अन्तरंग सेवाका बिरामीलाई निःशुल्क खाना खुवाउने भएको छ ।
विहिवार अस्पतालले एक सूचना जारी गर्दै भोलि जेठ १ गते शुक्रवार देखि अस्पतालमा भर्ना भई उपचार गराईरहेका अन्तरंग सेवाका विरामीलाई निःशुल्क खाना खुवाउने जनाएको हो ।
खाना बिहान ९ः३० बजेबाट वितरण गरिने छ । यस प्रवन्धले विरामीका लागि केही राहत मिल्ने देखिएको छ ।
साथै नियमित मर्मत सम्भार कार्यले गर्दा स्थगित गरिएको बोन म्यारो ट्रान्सप्लान्ट सेवा जेठ ३ गते आइतवार देखि सुचारु हुने पनि सूचनामा जनाइएको छ ।
