फागुन ११, काठमाडौं ।
सर्वोच्च अदालतले प्रतिनिधिसभा पुनर्स्थापना गर्ने आदेश दिएलगत्तै राजधानीमा खुशीयाली मनाइएको छ । प्रचण्ड–माधव समूहका कार्यकर्ताले प्रतिगमनको पराजय भएको भन्दै खुशीयाली मनाएका हुन् ।
माइतीघरमा भेला भएका युवाहरुले मैनबत्ती बालेर नेपालको झण्डा फहराउँदै खुशी व्यक्त गरेका छन् । मंगलबार अदालतले दिएको आदेशमा फागुन २४ गतेभित्र संसदको अधिवेशन बोलाउन पनि भनिएको छ ।
गत पुष ५ गते प्रधानमन्त्री केपी शर्मा ओलीले संसद विघटन पश्चात पुनस्थापनाका लागि परेको मुदाको सुनुवाई हुँदै संसद पुनर्स्थापनाको फैसला प्रधानन्यायाधिश चोलेन्द्र शमसेर जबराको नेतृत्वले आज दिउँसो गरेको थियो ।
