काठमाडौं । शंखरापुर नगरपालिकामा चैत्र २५ गते देखि जेठ गते सम्ममा ७९ जना महिला र ९२ जना पुरुष गरि कुल १७१ जनामा कोरोना संक्रमण पुष्टि भएको जन स्वास्थ्य प्रवर्दन उप शाखा शंखरापुर नगरपालिकाले जनाएको छ। कुल संक्रमित मध्ये ६३ जना महिला र ७३ जना पुरुष गरि १६३ जना सक्रिय संक्रमित रहेको जानकारी गराएको छ।
हाल सम्म नगरपालिकामा ४ जना पुरुष र ३ जना महिला गरि ७ जनाको कोरोनको कारण ज्यान गएको छ भने १३ जना पुरुष र १५ जना महिला गरि २८ जनाले कोरोना जितेको उल्लेख गरिएको छ ।हाल सम्म ५८ जना महिला र ६४ जना पुरुष गरि कुल १२२ जना होम आइसोलेसनमा रहेका छन् भने ५ जना महिला र ९ जना पुरष गरि कुल १४ जना अस्पतालमा रहेको पनि जानकारी गराइएको छ।
सबै भन्दा बढी संक्रमित वडा नं ६ मा देखिएको छ, जहाँ हाल सम्म ४१ जनामा संक्रमण पुष्टि भएको नगरपालिकाले जनाएको छ । कोरोनाको कहर पुन बढ्दै गए पछि थप सतर्कता अपनाउन नगर प्रमुख सुवर्ण श्रेष्ठले अनुरोध गरेका छन् ।
उनले सामाजिक र भौतिक दूरी कायम गर्न र अनिवार्य रुपमा मास्कको प्रयोग अनुरोध गर्दै कोरोना रोकथामका लागि जनस्वास्थ्यका मापदण्ड पालना गरेर सहयोग गर्न अनुरोध गरेका छन् ।
