काठमाडौ ।
पुर्खा भन्थे धन कमाउन जानुपर्छ, लामो बाटो
पहिचान तब बन्दछ जब रोजिन्छ गार्हो बाटो ।
नदेखौँ अर्काको देशको, ठूला महल धेरै पैसा
विकासको मूल फुटाउन अब रोजौ आफ्नो बाटो ।
हेर चट्टान फोरी उम्म्रेका, अति साना बीउलाई
आफैंले पहिल्याउनु पर्छ सदा निकासको बाटो ।
सिकौं प्रकृतिबाट, चलिरहनु पर्छ भन्ने शिक्षा
उभो बढ्न छोड संकुचित मनको साँगुरो बाटो ।
गहन सोच, भाग्य भनेको आफैं हो बनाउने
भुल्नु हुन्न हामीले लिनुपर्छ सुयोग्य राम्रो बाटो ।
भवानी घिमिरे,सर्लाही
