काठमाडौँ । कुमारी बैङ्क लिमिटेडले सेयरधनीहरूले ६ प्रतिशत बोनस सेयर दिने भएको छ ।
बैङ्कको २१ औँ वार्षिक साधारण सभाले शेयरधनीहरुलाई आ.व.२०७७/०७८ को लागि ६ प्रतिशत बोनस शेयर तथा बोनस शेयर बापत लाग्ने कर प्रयोजनको लागि समेत गरी २.६७ प्रतिशत बराबरको नगद लाभांश वितरण गर्ने भएको हो ।
सञ्चालक समितिले निर्णय गरेको सो लाभांश प्रस्ताव नियामक निकाय नेपाल राष्ट्र बैङ्कबाट स्वीकृति भएपछि साधारण सभाको छलफलमा समावेश गरिनेछ ।
प्रस्ताव गरिएको लाभांश वार्षिक साधारण सभाबाट पारित भएपछि मात्र योग्य शेयरधनीले दाबी गर्न पाउनेछन् ।
सो बोनस शेयर जारी पश्चात् बैङ्कको चुक्ता पुँजी १४ अर्ब ७१ करोड ११ लाख ८३ हजार ३२६ रुपैयाँ हुनेछ ।
आर्थिक वर्ष २०७७/७८ को असार मसान्तसम्म बैङ्कले कुल निक्षेप १५७ अर्ब १७ करोड रुपैयाँ परिचालन तथा कुल कर्जा रकम १४३ अर्ब ७७ करोड रुपैयाँ प्रवाह गरी सञ्चालन मुनाफा ३ अर्ब १९ करोड रुपैयाँ तथा १ अर्ब ९७ करोड रुपैयाँ खुद मुनाफा आर्जन गरेको छ।
