पौष १५, झापा ।
चर्चित व्यक्तित्व गणेश पोखरेलको निधन भएको छ ।
पञ्चायतकालका एक हस्ती तथा पुर्व प्रधानपञ्च पोखरेलको ८७ वर्षको उमेरमा आज साँझ ५ः३० बजे निधन भएको हो ।
सुरुंगा गाउँ पञ्चायतमा १७ वर्ष सम्म एक छत्र शासन गरेका पोखरेल सुधारवादी शासकका रुपमा चिनिन्छन् । प्रजातन्त्र पुनर्स्थापना भए पछि प्रजातान्त्रिक पार्टीहरुलाई सहर्ष स्विकार गरेका पोखरेल निडर स्वभावका झापाली नेताका रुपमा पनि परिचित छन् ।
स्व.पोखरेल नेपाल कम्युनिष्ट पार्टी (नेकपा) झापा जिल्ला कमिटी सदस्य एवम् कनकाई नगरपालिकाका प्रमुख राजेन्द्र कुमार पोखरेलका पिता हुन् ।
उनको पार्थीव शरिरलाई हिन्दु संस्कार अनुसार भोलि विहिवार विहान ११ः०० बजे कन्काई नदीमा अन्त्येष्टी गरिने परिवार स्रोतले जनायो ।
