काठमाडौं । चन्द्रागिरी नगरपालिका वडा नम्बर ६ मा नेकपा एमालेको प्यानलनै विजयी भएको छ ।
शुक्रबार भएको स्थानीय तहको निर्वाचनको मतगणनाको अन्तिम परिणाम अनुसार नेकपा एमालेका वडा अध्यक्षका उम्मेदवार संजय सिग्देलको प्यानलै विजयी भएको हो ।
यसअघि ०७४ सालको स्थानीय चुनावमा वडा नम्बर ६ को अध्यक्षमा नपत्याईएको युवा उमेदवार बनेर लोकप्रिय मत सहित निर्वाचित सिग्देलले पुनः नेपाली कांग्रेसका शान्ता उदास सहितको टिमलाई पराजित गर्दै बिजयी भएका हुन् । यस वडामा २१८५ मत खसेको थियो ।
कोरोना महामारीका समयमा गरिएका विविध गतिविधि, स्थानिय विकास, शान्ति सुरक्षा कायम गर्न खेलेको महत्वपूर्ण कदमका कारण सिग्देललाई जनताले पुनः निर्वाचित गरेका स्थानिय सुरेश डंगोलको छोटो प्रतिक्रिया थियो ।
