काठमाडौं । नेकपा एमालेका मेयर उम्मेदवार केशव स्थापितको वडामा नेपाली कांग्रेसले प्यानलै जितेको छ ।
अन्तिम मत परिणाम अनुसार काठमाडौं महानगरपालिकाको वडा नं २८ मा कांग्रेसका वडाध्यक्ष उम्मेदवार भाइराम खड्गी १२८१ मत ल्याएर वडाध्यक्षमा निर्वाचित भएका हुन् । उनका प्रतिस्पर्धी एमालेका विपेन्द्र खड्गीले १०७२ मत मात्र ल्याए ।
यो वडाबाट मेयरमा स्वतन्त्र उम्मेदवार बालेन साहले ७३४, एमालेका केशव स्थापितले ७७३ र कांग्रेसकी सिर्जना सिंहले ७१० मत पाइन् ।
