बारा । बाराको पचरौता नगरपालिकामा नेकपा एमालेका उम्मेदवार प्रमुख र उपप्रमुख पदमा विजयी भएका छन् ।
एमालेको तर्फबाट प्रमुख पदमा उम्मेदवार रहेका जलन्धर सिंह ४ हजार ७ सय ३२ मत ल्याएर विजयी भएका हुन् । उनको निकटतम प्रतिद्वन्द्वी जसपाको तर्फबाट प्रमुख पदका उम्मेदवार निवर्तमान मेयर रमेश कुमार यादवले ४ हजार ४ चार सय ६१ मत ल्याएका थिए ।
यसैगरी उप प्रमुखमा एमालेको तर्फबाट उम्मेदवार नसिमा खातुन ४ हजार ५ सय ३८ मत प्राप्त गरी विजयी भएकी छन् भने उनको निकटतम प्रतिद्वन्द्वी लोसपा बाट उम्मेदवार सगुफा खातुन ४ हजार १ सय ६३ मत प्राप्त गरेकी थिइन् ।
