एजेन्सी । स्पेनी महारथी रियल मड्रिडले युइएफए सुपर कपको उपाधि जितेको छ । मड्रिडका भेट्रान खेलाडी करिम बेन्जेमाले आफ्नो करियरको ३२४ औँ गोल गर्दै युइएफए सुपर कपको उपाधि रियल मड्रिडलाई जिताएका छन्।
बुधबार राति भएको खेलमा फ्रान्कफुर्टलाई २-० ले पराजित गर्दै रियलले सुपर कप उपाधि जितेको हो। रियलको जितमा डेभिड अलाबा र बेन्जेमाले दुबै हाफमा एक-एक गोल गरे ।
बेन्जेमाको उत्कृष्ट प्रदर्शनमा यस अघि रियलले ला लिगा र युइएफए च्याम्पियन्स लिगको उपाधि जितेको थियो ।
बेन्जेमाले रियलका लागि ६१० खेलमा ३२४ गोल पुर्याएका छन्। उनी कृष्टियानो रोनाल्डो पछिका दोस्रो सर्वाधिक गोलकर्ता हुन्। ३४ वर्षीय बेन्जेमाले यस सिजन ४६ खेलमा ४४ गोल गरेका छन्।
