नयाँ दिल्ली । सनराइजर्स हैदराबादलाई ५ विकेटले पराजित गर्दै गुजरात टाइटन्सले इन्डियन प्रिमियर लिगमा सातौं जित निकाल्दै प्लेअफ नजिक पुगेको छ।
जितका लागि १९६ रनको लक्ष्य पछ्याएको गुजरातले २० औं ओभरमा ५ विकेट गुमाउँदै पूरा गर्यो।
गुजरातका ऋद्धिमान शाहले सर्वाधिक ६८ रन बनाए। राहुल टेवाटियाले ४० रनको योगदान गरे। उमरान मलिकले एक्लै ५ विकेट लिए।
यसअघि मुम्बईमा टस हारेर पहिला ब्याटिङ गरेको हैदराबादले निर्धारित २० ओभरमा ६ विकेट गुमाउँदै १९५ रन बनायो।
हैदराबादका ओपनर अभिषेक शर्माले सर्वाधिक ६५ रन बनाए। यस्तै, एडेन माक्ररमले ५६ रनको योगदान गरे। गुजरातका मोहम्मद शामीले ३ विकेट लिए।
जितपछि गुजरात ८ खेलबाट १४ अंक जोड्दै शीर्ष स्थानमा छ। राजस्थान रोयल्स ८ खेलबाट १२ अंक जोडेर दोस्रो स्थानमा छ।- एजेन्सी ।
