काठमाडौं । उपत्यकाको पुर्व - उत्तर घनाबस्ती बौद्ध - जोरपाटी नजिकै रहेको विट्स मल्टिपल कलेजले शिक्षा छेत्रमा नयाँ फड्को मारेको छ ।
शहर भित्रको कोलाहल, धुलो र धुवाँबाट मुक्त हुँदै आधुनिक संरचना सहितको खुल्ला मनोरम बातावरणमा पढ्न चाहने विद्यार्थीका लागि विट्स रोजाईमा पर्ने गरेको पाइएको छ ।
शाँखु र सुन्दरीजल क्षेत्रबाट दौडेर चावहिल, वानेश्वर, महाराजगन्ज, बागबजार, डिल्लीबजार पुग्ने विद्यार्थीहरु बढ्दो प्रदुषण, कोलाहल र फोहोरबाट दिक्क मान्दै पढाइमा अब्बल हुनुका साथै मनोरम बातावरण सहितको पुर्वाधार सम्पन्न कलेजको खोजिमा देखिएका छन् ।
आइतवार डिल्लीबजार, चावहिल र महाराजगन्ज क्षेत्रबाट समेत कलेज भिजिटमा विद्यार्थी आएकामा विट्सका प्राचार्य ज्ञान बहादुर श्रेष्ठ दंग देखिन्थे । काठमाडौं महानगरपालिका प्याव्सनका अध्यक्ष समेत रहेका श्रेष्ठले शिक्षा क्षेत्रबाटै २५ औँ बसन्त पार गरेका छन् ।
शिक्षण पेशाको शुरुवात महेन्द्र बौद्ध माध्यमिक विद्यालयबाट गरेका श्रेष्ठ शैक्षिक, व्यवस्थापकिय र प्रशासनिक क्षेत्रमा अव्वल प्राचार्य मानिन्छन् । तिनचुले, भुवालडाँडा, आरुवारी, गोकर्ण, मूलपानी लगाएतका स्थानबाट साथीभाईको आग्रहमा निजी विद्यालय संचालनमा जुटेका श्रेष्ठ पुर्व -उत्तर भैगकै नमुना कलेजको रुपमा विट्स देखिँदा आफुलाई सन्तुष्टि मिल्ने गरेको बताउँछन् ।
करिब ८ रोपनी क्षेत्रफलमा फराकिलो खेल मैदान, सुन्दर बगैँचा, आधुनिक भवन, कक्षाकोठा, आधुनिक कम्प्युटर प्रयोगशाला, होटल म्यानेजमेन्ट प्रयोगशाला लगाएतले कलेज पुर्वाधारमा सम्पन्न कलेजको रुपमा बुझिने गरेको स्थानिय बसन्त लामा बताउँछन् ।
हाल विद्यालयदेखि कलेज तह सम्म करिव १२ सय विद्यार्थी अध्ययनरत रहेका प्राचार्य श्रेष्ठको भनाई छ । विद्यालय तहमा शत प्रतिशत एवं क्याम्पस तहमा ९० प्रतिशत भन्दा बढि विद्यार्थीले पहिलो चरणमै पास गर्ने गरेका छन् भने कलेज पासै नगर्ने संख्या न्युन रहेको उनले बताए ।
त्यस्तै, आर्थिक अभावमा विचैमा पढाई छोड्ने विद्यार्थीलाई विभिन्न छात्रवृत्ति कोटाबाट लाभान्वित तुल्याइएको पनि श्रेष्ठको भनाई छ ।
कक्षा ११ - १२ मा विज्ञान, व्यवस्थापन र मानविकी संकायमा अध्यापन गराईरहेको विट्समा स्नातक तहमा भने बिबिएस तहको पढाई हुने गरेको छ ।
